Wie woa Weihnachten

Oida Mau, du bist scho hundert Johr

Dazöh ma wie des wor, Weihnochten

I hob scho davo glesen, sog wia is des gwesen?

Wie woa Weihnochtn?

Oida Mau und sog ma wos is Schnee?

Is Schnee so koit wie Eis?

Und wirklich wohr, so weiß

So weiß wie deine Hoar, sog ma wie des woa

Wie woa Weihnochtn?

Pass auf Burli, Weihnachten des woa

Des schönste Fest im Johr

Na und der Schnee der foit vom Himmel

So weiß ois wie ah Schimmel

A Schimmel is a Pferd

Des Wurt host no ned ghert

Najo, owa so woa Weihnochtn

Oida Mau, erklär ma des genau

Weil i ma des ned vorstöhn kau

Wie woa Weihnochtn?

Und bitte wos san Stern, de leichtn in da Fern?

Wie woa Weihnochtn?

Pass auf Burli, i sich do no in meine Tram

Do woa amoi ah Christbam mit Kerzn

Und Frieden wor in olle Herzen

Und daun worn do no tausend Lichter

Und glückliche Gsichter

De oidn und de Jungan ham olle gsungan

Pass auf, stille Nacht, heilige Nacht

Jawohl, des wor des Lied

Wos dazöhn wie's Jesu Kind geborn wird

Wos, des kennst du olles ned?

Des is natürlich bled, oba so, so wor Weihnochtn

Oida Mau, wos wor des für a Zeit?

Wos is Glückseeligkeit?

Wie wor Weihnochtn?

Und sog wos is passiert, dass nimma gfeiert wird?

Weihnochtn

Pass auf Burli, do wor amoi a großer Krieg

Und daun is obigfoin, de Bombn

Und in de Katakomben, ham s' obi miassn de Leit

Und do lebn wir no heit

Und nix is mehr mitn Schnee und mit der Glückseeligkeit

Und mit de Zimmtstern und mit de Lichter

Mit de glücklichen Gsicher und mit de, mit de Schneeflockaln

Und mit Weihnochtn

Mein liaba Gott, weil des is laung vorbei und tod

Und wir wern 's nimma dalebn

Oba waun s' in a poor hundert Johr den Deckl do obant wieder Heben

Daun wirds vielleicht wieder Weihnochtn gebn

Oida Mau, jetzt was i wie des wor

Jetzt was i wie des wor, Weihnochtn

I woit i hättat glebt, vor über hundert Johr

Zu Weihnochtn