Hamra Yammata

Dawo Hamra ʼyan mata

Labarin ƙauna kawai daɗi wani saʼin so akwai ɗaci

Na zautu a kan ki ba bacci, so ya sanya ni lalaci

Zuma ta zam mini maɗaci Hamra ki juyo sai na ji daɗi

Labarin Hamra zan ba ku, Hamra ʼyan mata

Wata ranar Sallah ne hawan Ado Bayero na ƙarshe

In za ku tuna hawan Ɗorayi hawan Ado yana yi

Na fito ni da abokai na mu mu biyar a kyawun yanayi

Kallon komawar sarki, waigen da na ɗan yi

Na ga wani wal-wal haka hasken idanun Hamra ya janye raʼayina

Su su uku ne, amma tunanina Hamrat ta zo gu na

Zuciya ta na raya min in je kusa in yi bayanin kai na

Sai na ɗan juyo na cewa abokin a B Malik nai kamu

Ya ce mini me ka samo

Abdul Respect ya ɗan yi murmushi ya dake ni ya ce abokina

Wata yarinya a gefenka na ga kamar ƙalbinta kwai ƙauna

B Malik sai yace mu ɗan ƙarasa mu yi mu su jawabi mana

Maʼanarsa jawabin ƙauna

Sai na ɗan karasa na yo sallama a gareta ta amsa mini

Sai nace baiwar Allah akwai gu nan ko a ɗan gusa mini

Sai ta yo wani murmushi wanda duk yanayina ya daɗa mini

Sai tace min malam ɗan dakata haka kar ka takura mini

Amma ba komai dob na sani soyayya ce ta ja mini

Sai na ce mata kin ga sunanki ne fa kawai za ki ɗan gaya mini

Umar Nas Don ya ɗan ƙaraso sai yace mata kin ga ʼyan mata

Shi ya ƙarasa duk jawaban da zan shi ya furta mata manufa ta

Mun yo nasara don mun yi sabo sosai ni da shi da ita

Har Sarki ya wuce mun wuce dukaninmu muna ta bankwana

Sai wata rana

Mun dawo hanya Ɗan shaba sai ya taɓo ni yace abokina

Yaya sunan budurwar da kai ne ko kuwa aʼa ba suna

Sai na ɗan yi shiru ina yin tunanin shin wai ta gayan suna ko ba ta faɗa min ba

B Malik sai ya ce mu koma in rai da rabo wata ƙila ma dace

Ai ko mun dace

Na tambayi sunanta sai ta ce min wai sunanta ita ɗata

Sai ta nuna min ƙawarta ta ce mini wanna kuma wai goba

Ɗayar da ta ƙaraso ta ce da ni ni kuma sunana yalo

To kai yaya sunanka

Sai na ce sunana Hamisu Breaker Dorayi haka suna na

Sai Hamra ta ƙaraso tace da ni sunana na gaskiya Hamra

Eh kwarai Hamra

Sai na ce a ina take ta ce da ni Nasarawa a nan ne ta zauna

Ƙawarta ta ce da ni aʼa mu a Kaduna muka yi yo zauna

Ba ʼyan Kano ne ba

Suka ban lambar waya wadda za na kira su mu dinga gaisawa

Mun fara waya da su haka mai daɗi sun ɗeben kewa

Daga baya idan na kira su sai in ji layin ya yi yankewa

Layin an kullewa

Wayyo Allah na Hamra (Dawo Hamra ʼyan mata)

Na dena ganinki Hamra (Dawo Hamrah ʼyan mata)

Jin muryarki Hamra (Dawo Hamra ʼyan mata)

Yaya zan yi na gan ki Hamra