制作
歌词
لأني بحبِك أكتر بسيبك تقولي بحبَك أكتر
ما أنا عايزك مبسوطة مش أكتر
بسعى لده ع قد ما بقدر
كل ما أجي أنام فوق صدرك أشوف عليه جماجم
ازاي أنا تاني فارس لما كل الناس دي ماتت
اسحبيني بعنف للعمق اللي بغرق فيه
طول ما أنا ميت فيكي مش محتاج للأوكسچين
الواقع غامق ف الواقع فمتداريش غمقانه
أحمد بوظ اللوحة خد يا چوكر لونهاله
اهو كده، الأسود لون نفوس الناس اللي هنا
مش قادرة تآمن فمحتاجة تبقى متأكدة
عندك جنة توريهلها ولا اعتمادك إنها مؤمنة؟
لو كده في الناس هايبه جهنم مش حابه ربنا
طب ليه إسماعيل ساعد إبراهيم وطاطى للسكينة
مش كلهم ابن نوح، نوح مش لوحده عالسفينة
زمن المعجزات انتهى، الناس حاطه القوانين بنفسها
عايز البار كله يسقفلك، اشرب الإزازة كلها
من امتى شيطانا ادانا غير اللي نأذي بيه اللي أذانا؟
سيبونا نأسس اليوتوبيا على أطراف الغابة
لو فشلنا أدينا حاولنا ده هيدي الأمل لغيرنا
عالأقل سيب سجادة لغيرك في أتجاه القبلة
من امتى شيطانا ادانا غير اللي نأذي بيه اللي أذانا؟
سيبونا نأسس اليوتوبيا على أطراف الغابة
لو فشلنا أدينا حاولنا ده هيدي الأمل لغيرنا
عالأقل سيب سجادة لغيرك في أتجاه القبلة
معقولة صحيتك فا بتحاسبني
عشان صاحبتك عايز تسيبني
أنا لولا زرعت فيك الكُره كنت مت قدام مني
أنت مش فلتة، ده أنا اللي عملتك
ده لولايا مكانتش الناس أدمنت تشوف بعدستك
دي مش عدستي، عدستك انت
أنا هنا من زمن إنت من امتى؟
خليتني كرهت كل حاجة
مستغرب ليه من كوني كرهتك
تكرهني أنا، تكرهني ليه؟
ده لولايا أنا كان زمانك فين؟
كان زمانك لسه بتكتب سلمى الجزء الألفين
شكرًا ليك كنت مرحلة
بعد كده علاقاتي هعرف أختارها
تصدق حتى إني بفكر وقت ضيقتي ألجأ للصلاة
وأنا كنت بعدتك عن ربنا، لأ ده أنا قربتك أكتر ليه
أنا كرهتك فينا عشان في الواقع كلنا وحشين
لأ ده إنت أقنعتني إني شيطان وكتفتني
عشان معرفش أغير حاجة، فمن ساعتها مفيش حاجة بتتبني
الدنيا غابة ما هي اختبار
نفس وأنا عليا وفي اختيار
ويمكن توبة بعد جبل ذنوب تنجينا من النار
من امتى شيطانا ادانا غير اللي نأذي بيه اللي أذانا؟
سيبونا نأسس اليوتوبيا على أطراف الغابة
لو فشلنا أدينا حاولنا ده هيدي الأمل لغيرنا
ع الأقل سيب سجادة لغيرك في تجاه القبلة
من امتى شيطانا ادانا غير اللي نأذي بيه اللي أذانا؟
سيبونا نأسس اليوتوبيا ع أطراف الغابة
لو فشلنا أدينا حاولنا ده هيدي الأمل لغيرنا
ع الأقل سيب سجادة لغيرك في تجاه القبلة
