Intemerata Dei mater

Intemerata Dei mater, generosa puella

Milia carminibus quam stipant agmina divum

Respice nos tantum, si quid iubilando meremur

Tu scis, virgo decens, quanti discrimen agatur

Exulibus passimque quibus iactemur arenis

Nec sine te manet ulla quies, spes nulla laboris;

Nulla salus patrie, domus aut potiunda parentis

Cui, regina, praees: dispensans omnia laeto suscipis

Ore pios dulci quos nectare potas, et facis

Assiduos epulis accumbere sacris

Aspiciat facito miseros pietatis ocello Filius:

Ipsa potes. Fessos hinc arripe sursum diva

Virgo manu, tutos et in arce locato