歌词
البشر غرقوا في شر نفوسهم وأنت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش هخسر ايه عشان اعداء الكلمة كتير
لازم تفهم ان الناس بتكيل بمكيالين
والفرد بحد أدنى يمتلك وشين
مش هيبصوا اللي أنت فيه دفعت إيه مقابله
كل يبكي على ليلاه وشيطانه بيطبطبله
اللي ادى استنى ياخد واللي خد خلع من بدري
القلم بص على الخشب اللي راح مبصش أنه مبري
مستكترين عليك قيراط ما هما رضيوا بشبر
اشمعنى آدم يتسجدله أنا أحسن منه كبر
لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة، عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة
الغل كل قلوبهم واللي تبقى منهم غيرة
أسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض
الغل كل قلوبهم واللي تبقى منهم غيرة
أسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض
هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى ندفع أن نثق
الدنيا مُرة مش لازم تشربها سك
لو لو رجع الزمن سنة مش هتمشي في طرق تانية
أاعرف أن مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه أوعى تدفن راسك في التراب وتندب حظك
في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم
بين طبقات الناس وتسلق جبل شبه بحت
كل بصة فوق لازم توزنها ببصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شئ يرضيك
هتضحك عل أنك بتقول دلوقتي جبت آخري
دايما اللي جاي أصعب إنشف لسه بدري
عايز جلدك تخين ولو يا تتكسر يا تميل
إتكسر تلحم عضم أنشف من العضم القديم
هتضحك عل أنك بتقول دلوقتي جبت آخري
دايما اللي جاي أصعب إنشف لسه بدري
عايز جلدك تخين ولو يا تتكسر يا تميل
إتكسر تلحم عضم أنشف من العضم القديم
لو بصيت للسما بعين الغل تلات اربعها
أعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
إلهنا مش فوق الاولمبي بيتنفس عبادة
في أصول الأعتقاد كل الفرق أصابت
الكفر كبر مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نرجئ أو نعتزل
هتحس الاختبار تقيل عليك ومين محسش
إبراهيم قال أرني كيف وإبراهيم متهزش
فيه قبيح بديله أقبح وقريب بعيده أوضح
وصاحب جنتين اتمنى لو إنه كان الأصلح
هتبان الدنيا ظالمه متصدقش اللي أنت حاسه
يوسف لو مترماش في البير مكنش هيرمي نفسه
ساعات شرور نفوس الناس تكون خطوة في طريقنا
مش عارفين رايحين لفين فـ متقوليش بعدنا
الغل كل قلوبهم واللي تبقى منهم غيرة
أسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض
هتضحك عل أنك بتقول دلوقتي جبت آخري
دايما اللي جاي أصعب إنشف لسه بدري
عايز جلدك تخين ولو يا تتكسر يا تميل
إتكسر تلحم عضم أنشف من العضم القديم
الغل كل قلوبهم واللي تبقى منهم غيرة
أسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض
هتضحك عل أنك بتقول دلوقتي جبت آخري
دايما اللي جاي أصعب إنشف لسه بدري
عايز جلدك تخين ولو يا تتكسر يا تميل
إتكسر تلحم عضم أنشف من العضم القديم
