歌词
Umgang
(Anaconda / Wyss)
i frage mi
wie gahn i um
mit dim balkongeranium
söll i rode oder schiesse
es het kei ussicht meh
uf d’wiese
es isch nid
mis eigetum
es si dini geranium
drum frag i mi
wie gahn i um
i frage mi
wie gahn i um
mit de spinnmilbe
i dine geranium
mit mikroskopischem blick
abepetrole oder nid
o kaschtriere das nützt nüt
wär mit der lupe ineschtiert
där wird sälber observiert
bi ufem dach spiele trompete
i bi blutt u dänke nach
es chönnti kunscht si
nid nume krach
was wöi mir
mit de geranium mache
a was hirne die ächt ume
zäh prozänt dänke a sich
driessgi dänke hingenache
füfzäh prozänt dänke nie nüt
u der räschte
där dänkt schief
es liegt e chly
am umgang
u där isch primitiv
i frage mi
wie gahn i um
mit em universum
i wotts vermässe
u vergässe
am abig heicho
zum ässe
alli schpinne um mi ume
es kosmischs Karussell
aber mis isch parallel
drum spiele i füdliblutt
jazztrompete ufem dach
u du lachsch u fragsch
was i am dach dert obe mache
bi ufem dach schpiele trompete
I bi blutt u dänke nach
es chönnti kunscht si
u ke krach
drum frage i mi
wie gahn i um
wie gahn i mit em umgang um
Written by: Endo Anaconda, Roman Wyss
