ថ្ងៃលិចឯនាយសមុទ្រ

អាយុខ្លីម្លេះ ឱសម្លាញ់អើយ

ស្ដាយមិនគួរ បង់សង្ខារឡើយ

ឱះឱ! មិត្តអើយ អភ័ព្វ

ជួបជុំគ្នាហើយម្ដេចឡើយមិនគាប់

ហាក់ដូចជាណាត់គ្នាស្លាប់

ឱ្យខ្ញុំចុកចាប់ ខ្លោចផ្សារម្ល៉េះទេ

រលកគ្រាំគ្រាំ យំពេញសមុទ្រ

ឱមិត្តអើយខ្ញុំសែនតក់ស្លុត

អារម្មណ៍ រន្ធត់ អស់ហើយ

សមុទ្រធំធេង មិនទាន់រីងឡើយ

បក្សីនៅច្រៀងឆ្លងឆ្លើយ

ឱះឱមិត្តអើយម្ដេចអស់វាសនា

ស្រឡាញ់អឺគ្នាណាស់

កម្មអ្វីព្រាត់ប្រាស់ ទៅបាន

សូមព្រលឹង មិត្តទាំងពីរប្រាណ

បានសុខសាន្ត នាឋានថ្មីចុះអើយ

មិត្តអើយ មិត្តអើយ

មិត្តអើយ ខ្ញុំស្ដាយអ្នកណាស់

ថ្ងៃលិចឯនាយ សមុទ្រមិត្តទៅហើយ

ឱថ្ងៃអើយ ទីព្រលឹងអ្នក

ឱ្យខ្ញុំ អួលអាក់ ចិន្តា

សូមឱ្យព្រលឹង នៃគូសង្សារ

ជាតិក្រោយ កុំដូច្នេះណា

ស្នេហាជួបគ្នាបានសុខាអើយ

ម្ដេចមានសមុទ្រម្ដេចមានរលក

ឱរលក ម្តេចបោកគ្មានឈប់

ម្ដេចក៏មានយប់ មានថ្ងៃ

ម្តេចសមុទ្រមិនរីង រស់ជាតិនៅប្រៃ

សត្វលោកកើតមកធ្វើអ្វី

បើកើតហើយក្ស័យ ទៅវិញដដែល