Wasika

Uhm, uhm, uhm ya

Uhm, uhm, uhm

Uhm, uhm, uhm, ya

Ina ma da arziƙi masoyi ya san dai ya na da gata nai

Ina ma da ilimi in nusar da mai so halin ma'aiki nai

Ina ma da tausayi masoyi in yafe shi dukka laifi nai

Ina ma ina ga sai Arewa ba sa kushe ta su baiwa ba

Ina ma da maganin na bai wa masoyi ya kore cuta tai

Ina ma da dukiya na badda wa mai san rufin asiri na

A ce zan faɗa a ji masoyi ba zai tauye masu nema ba

A ce za ni aikata a ko ya, ba a kushe masu gyara ba

Idan zan faɗa a ji, masoyi ba zai zagi shugabanni ba

Ina ma da ɗan tsaki masoyi da yunwa ba sa ga juna ba

Wasu mafaɗa oyoyo baba Buhari kuɗi suka nema

Wasu mafaɗa oyoyo na yi dan daɗa suna suma

Wasu mafaɗa oyoyo ba don kishi sunka faɗa ba

Buhari ya zama abin tallata hajjar waƙar kowa

Buhari ya zama abin kushe, an ce "ya hana kowa"

Waɗansu suna ta faɗin dama ya mutu, ya zama gawa

Buhari ake zargi ya hana yin safarar shinkafa

Kai mu ɗauka e haka ne, to mene laifin sa Buhari?

To mu tambayi kakanni ƙasarmu a da an san ta da noma

Ƙasashe sun fi biyyar wanda mukai wa silla suka girma

Ashe gyaran kayan ka bai zama sauke mu raba duk ba

Waɗansu mu basu iri su koma can a ƙasar su, su noma

Da shi suka ci suka sha kuma su yi wa ƙasa ta su hidima

Ni abin da nake tsoro ba saukar sa a mulki ne ba

Ni abin da nake tsoro ba wanda zai maye gurbi ne ba

Mun shiga ƙunci bara ana ta kashe mu muna daɗa ɓuya

A bi mu wurin bauta, a bi mu gida a kashe mu da 'ya'ya

Mu muna ta dua'in Allah canja yanzu da canjin yaz zo

Muke ta ɓarin zance, mu zama kamar kambu suka murzo

In munka butulcewa Allah kamar amba mun furzo

Shin mun gode kenan? ko kuma mun kyauta kenan?

In Allah ya yi fushi, mu san da sani mune muka jawo

Wa ke da sanin gaibu? ko zance na akwai aibu?

Wasika zuwa ga shugaban ƙasa, wasika zuwa ga shugaban ƙasa

Mai tsaro bai tsoro a tsakar tsanani koda an ce ya bar ƙasa

Wasika zuwa ga shugaban ƙasa

Ka ga tudun da ka hau da kyar mai sauke ka sai dai wanda yai ƙasa

Wasika zuwa ga shugaban ƙasa

Wanda ya yi ka mutum mai jama'a ne ya nufa ka yi shugaban ƙasa

Wasika zuwa ga shugaban ƙasa

Ba shirka ka yi ba a hawan ka dalillin nan bai sa ka sha ƙasa

Wasika zuwa ga shugaban ƙasa

Waɗansu suna tsafi, waɗansu suna addu'a Allah sa ka sha ƙasa

Wasika zuwa ga shugaban ƙasa

Ka sake riƙe Allah, Baba akwai nisa hanya ta gaskiya

Wasika zuwa ga shugaban ƙasa

Ka sake riƙe Allah Baba da ɗaci duk zance na gaskiya

Wasika zuwa ga shugaban ƙasa

Cikin masana'antar siyasa akwai mabiɗa nesa ta zo kusa

Wasika zuwa ga shugaban ƙasa

Cikin masana'anta ta waƙa akwai mabiɗa nesa ta zo kusa

Wasika zuwa ga shugaban ƙasa

Nufin su kawai wai shugaban ƙasa ya kame duk mariƙa kuɗin ƙasa

Wasika zuwa ga shugaban ƙasa

Bayan masu kudin ka ba su to in an kame su shin wa ya rasa?

Wasika zuwa ga shugaban ƙasa

Kun ga faɗan giwa guda biyu ciyawa ke wahala ta zam ƙasa

Wasika zuwa ga shugaban ƙasa

Mu roki Illahu ya ba su su ba mu mu bai wa na nesa mu bai wa na kusa

Wasika zuwa ga shugaban ƙasa

Ya Allah kare shugaban da duk bai da niyyan sace kuɗin ƙasa

Wasika zuwa ga shugaban ƙasa

Allah kare shugaba mai son gyaran tattalin arzikin ƙasa

Wasika zuwa ga shugaban ƙasa

Allah kare Naziru Sarkin Waƙa mai son ya ga ci gaban ƙasa

Wasika zuwa ga shugaban ƙasa

Ci gaban ƙasa

Allah ka kare musulmai da musulunci baki ɗaya, amin

Ubangiji Ka ba mu ikon gyarawa Ka sa mu zama masu gode maka, amin