Vint'anne

VINT'ANNI

Si tenesse vint'anni

stesse ancora pe' 'a via

stesse ancora arrubbanno

tiempo e suonni a Maria

stesse ancora attaccato

addereta a nu tram

cu 'o surriso stampato

a cu' 'a faccia de' 'a famme

Si tenesse vint'anni

sempe a mare campasse

me vuttasse cu' 'e panni

pesce 'e rezza magnasse

quanne se ne va o' sole

e se chiudono l'uocchie

m'addurmesse poche ore

comme dormono 'e viecchie.

Ma vint'anni nun tengo

e nun stong pe' 'a via

e smaledico ogni juorne

a chi sta cu' Maria

e ll'ammore è passato

se n'è juto cu' 'o tram

se ha purtato 'o surriso

m'ha lassato cu' 'a famme

Si tenesse vint'anni

sempe a mare campasse

me vuttasse cu' 'e panni

pesce 'e rezza magnasse

quanne se ne va 'o sole

e se chiudono l'uocchie

M'addurmesse poche ore

comme a mo' ca' so' viecchio

Si turnasse dimane

e je tenesse vint'anni

te purtasse pe' mane

a' fermata de' 'o tram.