سمعت أشيَاء

سمعت أشيَاء تضايقني، سمعت انّك هجرت الدّار

ومن للدار أحد غيرك ومن في الغربة يْسلّيك

تركت الكل وماتدري وش اللّي في غيابك صَار؟

ملل في الزاوية هذي وألم فِ الزاوية هذيك

دخلت لْغرفتك ظلمَة ويملا كل مكان غْبار

نفضت الغبرة وشوقي مجَلّسنِي على كرسِيك

ذكرت ايّامنا الحلوة، ذكرت ايَّام حنَّا صغار

تجي ويْفزّ لك قلبِ، بدون شْعُور اضمّ ايديك

وتهْنا سنين مابين الغياب وزحمة الأقدار

ولا لحظة تمر الّا على بالِي تجي وابكيك

تعبت مْن الجفا والشوق فيني تايه ومحتار

ومرّت بعدك الأيَّام في حيرة وأنا مدريك

تعال وطمن احلامي، لأني ماعرفت اختار

قضيت سْنين بغيابك قضى عمري وانا أناديك

أمَل فِيني ويسكن بي، تجيني وْتخذل الأعذار

وثاني شيء ترجعلي حياتي وأتهنَّـى فِيك

تعال وطمن احلامي، لأني ماعرفت اختار

قضيت سْنين بغيابك قضى عمري وانا أناديك

أمَل فِيني ويسكن بي، تجيني وْتخذل الأعذار

وثاني شيء ترجعلي حياتي وأتهنَّـى فِيك