Dağlar A Dağlar

Bahar fəsli, yaz ayları gələndə

Süsənli, sünbüllü, lalalı dağlar

Yoxsulu, ərbabı, şahı, gədanı

Tutmaz bir-birindən aralı dağlar

Alalı dağlar a dağlar

Xəstə üçün təpəsində qar olur

Hər cür çiçək açır, laləzar olur

Çeşməsindən abi-həyat car olur

Dağıdır möhnəti, məlalı dağlar

Alalı dağlar dağlar a dağlar

Ağ xələt bürünər, zərnişan geyməz

Heç kəsi dindirib keyfinə dəyməz

Sərdara söz deməz, şaha baş əyməz

Qüdrətdən səngərli, qalalı dağlar

Dağlar a dağlar dağlar ey dağlar

Köçər ellər, düşər səndən aralı

Firqətindən gül-nərgizin saralı

Ələsgər Məcnuntək yardan yaralı

Gəzər səndə dərdli, nalalı, dağlar!

Dağlar a dağlar dağlar a dağlar