Chotze (feat. Myrto)

Es isch fritig gsi

Amne räge tag

Da händ mir eusi

Ersti begägnig gha

Imne irish pub

Wo du d'bar

Häsch gmacht

Isch mis herz

Vode brust

I mini hose gsackt

Ich han mich verliebt

Das han ich kapiert

Nur nid gwüsst

Wien ich ächt a

Dich ane chiem

Also hani bstellt

Eis ums andere

Nor damiti bi dir

Villich lande cha

Eis isch gäg de durst

Zwei fürs sälbstvertraue

Drü vier feuf sächs sibe

Hinde noche ghaue

Doch dänn gaht nüt meh

Ich ha mich übergeh

Und beschämt beni grännt

Und ha mich nümm umkehrt

Aber nachre wuche

Da han ich dich troffe

Idr stadt irgendwo

I dich inegloffe

Und ich lueg dich ah

Und es gaht mier nomal

Alles das dur de kopf

Was mier schomal zäme

Erläbt händ gha

Ich muess chotze

Wänn i di gseh

Ich muess chotze

Wänn i di gseh

Öb ich will oder nöd

Ich chotze wie blöd

Wänn ich wüsst

Wänn das wider hört

Ich muess chotze

Wänn i di gseh

Ich muess chotze

Wänn i di gseh

Ich versueche z'verhebe

Doch dänn chunnt's ebe

Immerno immerno meh

Zerst da häsch du mich

Det im pub agmacht

Öppis glaberet vo herz

Und vo hosesack

Häsch ned welle gah

Hocksch no immer da

Wo ich längstens scho

Fiirabig hetti gha

Und uf all das abe

Häsch du nachetane

Dich übergäh vor dr bar

Duss im strassegrabe

Und bisch ohni wort

Schnell wie mögli furt

Ich ha nümm vo dir ghört

Bis zur wuche druf

Wo ich idr stadt

Uf e fründin wart

Und dich gseh und no dänk

Das dir nöd guet gaht

Und du eimal meh

Dich muesch übergäh

Und ich hoff das ich

Dich niemeh wider gseh

Will ich weiss genau

Triff ich dich nomal

Wird mir nur am gedanke

Do dra scho fahl

Dänk ich wider zrugg

Schnapp ich scho nach luft

Und ich gspühr

Das ich frühr

Will es mich wägä dir

Scho fasch sälber lupft

Ich muess chotze

Wänn i di gseh

Ich muess chotze

Wänn i di gseh

Öb ich will oder nöd

Ich chotze wie blöd

Wänn ich wüsst

Wänn das wider hört

Ich muess chotze

Wänn i di gseh

Ich muess chotze

Wänn i di gseh

Ich versueche z'verhebe

Doch dänn chunnt's ebe

Immerno immerno meh

Ooooh wänn i di gseh

Mir münd chotze

Wemmer üs gsehnd

Mir münd chotze

Wemmer üs gsehnd

Öb mir wend oder nöd

Mir chotzed wie blöd

Immerno immerno meh