Weihnachten wie immer

De an verschwinden in de Dom Rep

Für vierzehn Tog am Palmenstrand

Se sogn zu mir i bin ein Volldepp

Weil i daham bleib in mein Lond

Und wieder ondre fliagn noch New York

Zum shoppen auf'd 5th Avenue

Es is mir leider olles zu org

Zu Weihnachtn wüll i a Ruah

Moch olle Tiarn und Fenster zua

I wüll, doss echte Kerzen brennen

Doss echte Lieder gsungen werdn

Wir Liebe geben, sovül ma kennen

Und über Bethlehem an Stern

I wüll mei Weihnachten wie immer

Wias immer wor, soll's immer sein

De große Welt, de lockt mi nimma

I bleib daham und moch ma's fein

Und lod ma a poor Freunde ein

Donn is Bescherung und i freu mi

I loss mi hoid so gern beschearn

Die neue Kamera, de neuen Schi

De Freid kennt nimma größer werdn

Donn setzma uns zum Essen nieda

Es gibt a Gansl und a Kraut

Es is so herrlich immer wieder

Olles so friedlich und vertraut

Niemand is hektisch, nix is laut

Und wonn am nächsten Tog de Sunn locht

Donn schnoll i on, de neichen Schi

Und loss es tuschen, dass nur so krocht

Auf des verzichten wüll i nie

I wüll, doss echte Kerzen brennen

Doss echte Lieder gsungen werdn

Wir Liebe geben, sovül ma kennen

Und über Bethlehem an Stern

I wüll mei Weihnachten wie immer

Wias immer wor, soll's immer sein

I wüll den Glanz i wüll den Schimmer

I bleib daham und moch ma's fein

Mit Tannenduft, mit Punsch und Bäckerein