Fi Mħabbtek Inħbejt

Ma nafx x'qegħdin nagħmlu hawnhekk

Int bid-dublett jiena bil-ġlekk

Il-ġranet kollha li għaddew

It-tfal li konna issa ntfew

Fid-dinja xejn mhu perfett

Daħlilna l-ilma mis-suffett

Inħares lejk biex ma ninsiex

Dak li aħna u li ma jeħdulniex

Għand ommok tlajna fuq il-bejt

Xofftejja missew ma' xofftejk

'Il bogħod mill-iħirsa jien ġrejt

U fi mħabbtek inħbejt

Kultant ma tantx ileqq id-deheb

Kultant tkun tridu ftit maltemp

Kulħadd jitbissem għar-ritratt

Irrid nitriegħed f'dan ir-ragħad

Wara x-xogħol dejjem nidħol tard

Inti tkun ilek li rqadt

Nidħol fis-sodda nkiss inkiss

Imqar dil-ħolma ma nkissirx

Għand ommok tlajna fuq il-bejt

Xofftejja missew ma' xofftejk

'Il bogħod mill-iħirsa jien ġrejt

U fi mħabbtek inħbejt

Inħossni mitluf

Inġebbed it-truf

Ta' snin misruqin

Minn jiem ħallelin

Għallimni min jien

Nintilfu flimkien

Missejtlek ħaddejk

Fi mħabbtek inħbejt