ឡាំឡាវសាមសុី

អើយ ខ្លួនបងអាក្រក់ អូនអើយសក់បងស៊ុបទ្រុឌ

ខ្លួនបងអាក្រក់ អូនអើយសក់បងស៊ុបទ្រុឌ

បងដើរចង់ស្រីរាល់យប់ ឈប់មួយតែថ្ងៃសីល អឺអើយ

ខ្លួនបងអាក្រក់ អូនអើយសក់បងសិះត្រេះ

ខ្លួនបងអាក្រក់ អូនអើយសក់បងសិះត្រេះ

ស្រីណាប្រហែស នែប្រយ័ត្នតែកំប្លេះ របស់បង អឺអើយ

មុខបងអាក្រក់ អូនអើយសក់បងក្រញ៉ាញ់

មុខបងអាក្រក់ អូនអើយសក់បងក្រញ៉ាញ់

ស្រីចោមស្រឡាញ់ ព្រោះបងបាញ់កង្កែបត្រង់

អើយ ស្រីអឺយនាងស្រី ថាក្រមុំស្រីអឺយនាងស្រី

ស្រីអឺយនាងស្រី ថាក្រមុំស្រីអឺយនាងស្រី

បើបងចូលស្តី នែ!ស្រីព្រមឫទេ?

អើយ ប្រហែលមុខបងឯង ស្រីស៊ូនៅទំនេរ

ប្រហែលមុខបងឯង ស្រីស៊ូនៅទំនេរ

ប្អូនមិនយកបងឯងទេ ស្អប់បងឯងផឹកស្រា

អើយ អាដែនកាទិនស្រិះ បងមិនចេះប្រាថ្នា

ថាអាដែនកាទិនស្រិះ អូនអឺយបងមិនចេះប្រាថ្នា

អាភៀន បៀស្រា នែ! កញ្ឆា បងមិនណាដើរជិត

អើយ កុំថាអញ្ជឹងប្រយ័ត្នតែស្រី គេឱ្យស្បថ

កុំថាអញ្ជឹងប្រយ័ត្នតែស្រី គេឱ្យស្បថ

ពាក្យមិនប្រាកដ វាងាប់ចោលម៉ែចោលឪ

អើយ ប្អូនឱ្យបងស្បថ អូនអឺយស្បថបានតែឈប់ជ្រៅ

ប្អូនឱ្យបងស្បថ អូនអឺយស្បថបានតែឈប់ជ្រៅ

ឈប់យូរម្តេចទៅ នែ! ទម្រាំម៉ែឪសម្រានលក់

អើយ តែស្បថយប់ជ្រៅ ចំណាំតែត្រូវ កនឹងផ្គាក់

តែស្បថយប់ជ្រៅ ចំណាំតែត្រូវ កនឹងផ្គាក់

ខ្ញុំប្រាប់ឱ្យជាក់ ប្អូនកាប់ទម្លាក់ឱ្យហ្មត់

អើយ កាប់បងមិនមុតទេ បងចេះសីល៍ព័ទ្ធ

កាប់បងមិនមុតទេ អូនអឺយបងចេះសីល៍ព័ទ្ធ

នែ! កុំឱ្យស្រីមាត់ បើគង់មានឱបមានភាន់

អើយ បងឯងធៀបដូច ឆ្មាស្គមជំហ៊មត្រីងៀត

បងឯងធៀបដូច ឆ្មាស្គមជំហ៊មត្រីងៀត

ឆ្មាខំប្របៀត ដាច់ក្បាល់ឆ្មាងាប់

អើយ ឆ្មាបានស្រីងៀត អូនអឺយញ័រខ្លួនចំប្រប់

ឆ្មាបានស្រីងៀត អូនអឺយញ័រខ្លួនចំប្រប់

ទម្រាំឆ្មាងាប់ នែ!កំពប់បែកឆ្នាំងត្រីស្ងោរ

អើយ តែបែកឆ្នាំងគេ គេមិនថាអី

តែបែកឆ្នាំងគេ គេមិនថាអី

បែកឆ្នាំងក្រមុំស្រី នណាថាអីមិនបានទេ

អើយ ផ្គរលាន់ឦសាន អូនអឺយច្រានទៅឯឝ្នេយ៍

ផ្គរលាន់ឦសាន អូនអឺយច្រានទៅឯឝ្នេយ៍

តែជាក់ដៃហើយមិនលែងទេ

នែ!ចាំមើលអាកុយផ្ទេរឱ្យអស់ដៃ