The Night Is Near Gone

Hey now the day dawis, the jolly cock crawis

Now shroudis the shawis thro’ nature anon

The thissel-cock cryis on lovers wha lyis

Now skaillis the skyis, the night is near gone

The fieldis ouerflowis with gowans that growis,

Quhair lilies like low is, as red as the rone

The turtle that true is with notes that renewis

Her pairty pursuis, the night is near gone

The night is near gone

Now hairtis with hindis conform to their kindis,

Hie tursis their tyndis on ground quhair they grone

Hurchonis with hairis aye passis in pairis,

Quhilk duly declares: the night is near gone

The season excellis through sweetness that smellis

Now Cupid compellis: our hairtis echone

On Venus wha waikis to muse on our maikis,

Syne sing for their saikis: the night is near gone

The night is near gone

All courageous knightis against the day dichtis

The breist plate that bricht is to fight with their fone

The stoned steed stampis through courage and crampis,

Syne on the land lampis: the night is near gone

The friekis on feildis that wight wapins weildis

With shyning bright shieldis as Titan in trone

Stiff speiris in reistis ouer corseris crestis,

Are broke on their breistis: the night is near gone

So hard are their hittis, some sweyis, some sittis,

And some perforce flittis on ground quhile they grone

Syne groomis that gay is on blonkis that brayis

With swordis assayis: the night is near gone