Leta Chaligaalulu

లేత చలిగాలులు

దోచుకోరాదురా

చలి వెలుగు వెన్నెలలు నిను తాకగా తగవురా

లేత చలిగాలులు

దోచుకోలేవులే

మన వలపు వాకిలిని అవి తాకగలేవులే

లేత చలిగాలులు

దోచుకోరాదురా

అందాల నా కురులతో వింజామరలు వీచనా

అందాల నా కురులతో వింజామరలు వీచనా

రాగం భావం స్నేహం మోహం నిన్నే వేడనా

నీ కురులవీవదలకు నా హ్రుదయమర్పించనా

రూపం దీపం శిల్పం నాట్యం నీలో చూడనా

కనుల భాష్పాలు

కలల భాష్యాలు

వలపుగా సాగి

వలలుగా మూగి

కాలాన్ని బంధించగా

లేత చలిగాలులు

దోచుకోరాదురా

చలి వెలుగు వెన్నెలలు నిను తాకగా తగవురా

లేత చలిగాలులు

దోచుకోలేవులే

అధరాల కావ్యాలకు ఆవేశమందించనా

అధరాల కావ్యాలకు ఆవేశమందించనా

వలపే పిలుపై వయసే ముడుపై నిన్నే చేరనా

మందార ముకుళాలతో పాదాలు పూజించనా

అలనై కలనై విరినై ఝురినై నిన్నే కోరనా

హృదయనాదాల

మధురరాగాల

చిగురు సరసాల

నవవసంతాల

విరిలెన్నో అందించగా

లేత చలిగాలులు

దోచుకోలేవులే

మన వలపు వాకిలిని అవి తాకగలేవులే