De Schrank halb läär
Ond ech lueg wie s'letschte Glas verschlod
D'Händ verschnette
Has nömm chönne hebe weder z'spot
S'Chefig stod scho weder offe
Ond es lauft mer alls devo
Bruch es Zückerli zum zöikle ond das Züg ifoh
Bruch es Näscht för mini Vögel
Ond chli Sand för mine Chopf
Es Näscht för mini Vögel
Wel sosch flügeds mer devo
Ech go etz nömme witer
Ech ha mech scho z'lang lo go
Es Näscht för mini Vögel
Wel sosch cha si nömme foh
Es rägnet ine
Mer vergheied d'Ziegel nohdisnoh
Chas nömme flecke
Nasse Lehm dä tröchnet nömme ah
S'Glichgwecht ufbrucht
Ond ech lödele be jedem chline Schrett
Wart uf mini Wartig
D'Haltig fransed langsam us
Die Täg verseckered
Wie s'Wasser imne tote See
Ech rinn us mine Wänd
Ond weiss nömm weri alles be
Ha mech beloge
Damet niemer mech als mech muess gseh
All mini Gsecht verboge
Zom vo oss wie eis usgseh
Bruch es Näscht för mini Vögel
Ond chli Sand för mine Chopf
Es Näscht för mini Vögel
Wel sosch flügeds mer devo
Ech go etz nömme witer
Ech ha mech scho z'lang lo go
Es Näscht för mini Vögel
Wel sosch cha mi nömme foh
Oh
Es Näscht för mini Vögel
Ond chli Sand för mine Chopf
Es Näscht för mini Vögel
Wel sosch flügeds mer devo
Ech go etz nömme witer
Ech ha mech scho z'lang lo go
Es Näscht för mini Vögel
Wel sosch flügi ihne noh
