Lavon Volski 的热门歌曲
歌词
Калісьці адсюль да Мінска езьдзіў цягнік
Здаецца, двойчы, ці нават тройчы на дзень
Дзьве з паловай гадзіны — і ты ўжо прыехаў у Мінск
З новым пачкам уражаньняў і букетам новых надзей
Здавалася, так камфортна паміж гэтых двух гарадоў
У адным дыктатура, у другім нацыянальны ўздым
І ў адным, і ў другім было нешта табе дарагое
І каб трэба было выбраць — ты б спыніцца ня змог на адным
Табе Вільня чамусьці нагадвала дзяцінства тваё
Сьцяжынкі ў траве і савецкая плітка ў двары
А Мінск апантана будаваў для навасёлаў жыльлё
Нішчыў дрэвы старыя і старыя будынкі бурыў
Вільня так недалёка, праехаў крыху — і мяжа
У пакунках вязеш падарункі сябрам ды сваім
А ў Мінску збудавалі над Сьвіслаччу "Дом Чыжа"
І Кемпіньскі, які аказаўся не Кемпіньскі зусім
У Мінску адчыняліся кавярні на кожным рагу
І малыя казалі: Ў нас тут значна за Вільню круцей!
А ты ўсё ехаў туды і адтуль у сваім цягніку
І вагон быў чамусьці заўсёды поўны людзей
Калісьці было так — і што, падзелася дзе?
Успаміны зносіць няўмольнага часу рака
І калісьці па звычцы прыходзіш ты на Стоціс у дзень
А да Мінску адсюль ўжо тры гады як няма цягніка
Lyrics powered by www.musixmatch.com