制作
出演艺人
Bligg
声乐
Fred Herrmann
编程
Corinne Gfeller
伴唱
Chris Muzik
吉他
Hubert Kieffer
手风琴
作曲和作词
Fred Herrmann
作曲
Marino Manferdini
作曲
Marco Bliggensdorfer
词曲作者
制作和工程
Fred Herrmann
制作人
Sascha "Busy" Bühren
母带工程师
歌词
Chorus:
Neulich am Stammtisch - isch d'Stimmig irgendwie chli verchrampft gsi
will dä Hampi und sini Bandi sind gigantisch zwüsched pro und anti
s’wird debattiert, debattiert, debattiert - debattiert und usgibig diskutiert
lug, was passiert - was passiert - was passiert - es eskaliert rund ums Schild „Reserviert“
Vers 1:
Dä Hampi nimmt es Bier, zwei - i dä Quartierbeiz
mit äm Mäse, äm Dani, äm Vreni und äm Polier-Heinz
s’wird graucht - trunke - trascht - gmunklet - Glächter hangt im Rauch vom Spunte
Hampi leert bim Schunkle sin Bier-Humpe über Vrenis Lumpe
Sie empört „ säg bisch du gstört?“ - „Äh es tuet mir leid“ - doch sie hät’s nöd ghört
Dani meint nur „Halb so wild“ säb wiederum hät Heinz verstört
D’Stimmig kippt so wie Hampis Glas und artet schlagartig us
erhitzti Gmüeter choched ue - am Stammtisch wird’s gewaltig luut
„Frölein en Lumpe“ meint Heinz ganz luut - „Wo isch d’Bedienig wämmer sie mal brucht ?“
Am Rest vo de Gäst isch’s nümme gschmuuch - Verni rollt d’Auge und seit ganz duuch
„So isch’s halt inere Wirtschaft - wo nur dä Wirt schafft
nöd sehr förderlich für d’Wirtschafft!
Chorus:
Neulich am Stammtisch - isch d'Stimmig irgendwie chli verchrampft gsi
will dä Hampi und sini Bandi sind gigantisch zwüsched pro und anti
s’wird debattiert, debattiert, debattiert - debattiert bis es eskaliert
lug, was passiert - was passiert - was passiert - s’wird diskutiert bis eim trümmlig wird
Vers 2:
„Dä Hampi - dä verdammti Dilettant hätt mer s’ganzi
Bier über d’Hose gleert - niemert hätt das so gern - uuh das macht mich ranzig“
„Vreni, chumm es lang jetzt - us dir red de Alki
du überreagiersch…“ meint Walti - sie seit „Schnauze du Junkie“
En Roseverchäufer mischt dri - us de Luft griffe wie Frisbees
„Hallo hübschi Frau, wie isch ihre Name?“ … „Ach chumm, verpiss dich!!! (alle)
schreit Walti’s Alti grantig - de Choch rüeft „entspann di!“
mittlerwiile isch dä ganzi Spunte usser Rand und Band gsi
s’wird rebelliert Frässe poliert bis d’Schmier interveniert
doch die wird attackiert vo dä Gäst samt äm Wirt
Dä Mäse ahnt bereits was Blickschlagzile wird:
„Stammtisch-Drama mutiert zum Bürgerchrieg“
Chorus:
Neulich am Stammtisch - isch d'Stimmig irgendwie chli verchrampft gsi
will dä Hampi und sini Bandi sind gigantisch zwüsched pro und anti
s’wird debattiert, debattiert, debattiert - debatiert bis es eskaliert
lug, was passiert - was passiert - was passiert - es wird rebelliert bis d’Schmier reklamiert
Vers 3:
Es herrscht Chrieg - es wird vo linggs und rechts attackiert
es heimeligs Quartier wird zum ne Krisegebiet
Läck mir! De Bundesrat hät sichtlich gstuunt
us me usgleerte Bier wird Politik-tik-tik Boom!
De Staat schriitet i und meint „sehr geehrti Mitbürger
so beruiged oi, mir sind doch da keis Land vo Schildbürger“
d’Lag beruigt sich wieder, und zur Fiir stossed’s aa
und währenddäm’s aastossed, kippt am Bundesrat sis Glas…. oh, oh!
Neulich am Stammtisch - isch d'Stimmig irgendwie chli verchrampft gsi
will dä Hampi und sini Bandi sind gigantisch zwüsched pro und anti
s’wird debattiert, debattiert, debattiert - debattiert bis es eskaliert
lug, was passiert - was passiert - was passiert - es mutiert zum ne Bürgerchrieg
Written by: Fred Herrmann, Georg Schlunegger, Marco Bliggensdorfer, Marino Manferdini, Roman Camenzind
