David of the White Rock (Arr. Britten)

‘Cariwch’, medd Dafydd, ‘Fy nhelyn i mi,

Ceisiaf cyn marw roi tôn arni hi

Codwch fy nwylo i gyrraedd y tant;

Duw a’ch bendithio, fy ngweddw a’m plant.

Llifai’r alawon o’r tannau yn lli,

Melys oedd ceinciau fy nhelyn i mi.

Nid oes a erys o’r afiaith a’r tân;

Gwywodd yr awen, a thawodd y gân.

‘Neithiwr mi glywais lais angel fel hyn:

“Dafydd, tyrd adref, a channa trwy’r glyn”.

Delyn fy mebyd! ffarwel i dy dant.

Duw a’ch bendithio, fy ngweddw a’m plant.