Jock o' Hazeldean

“Why weep ye by the tide, ladye?

Why weep ye by the tide?

I’ll wed ye tae my youngest son,

And ye shall be his bride;

And ye shall be his bride, ladye,

Sae comely tae be seen:”

But aye she let the tears doun fa’,

For Jock o’ Hazeldean.

“Noo let this wilfu’ grief be done,

And dry that cheek sae pale:

Young Frank is chief of Errington,

And Lord of Langley dale;

His step is first in peacefu’ ha’,

His sword in battle keen:”

But aye she let the tears doun fa’,

For Jock o’ Hazeldean.

The kirk was deck’d at mornin’ tide,

The tapers glimmer’d fair,

The priest and bridegroom wait the bride,

And dame and knight were there;

They sought her baith by bower and ha’,

The ladye was na seen!

She’s owre the border, and awa’,

Wi’ Jock o’ Hazeldean.