Na Gul

Na gul se hai ġharaz tere na hai gulzār se matlab

Rakhā chashm-e-nazar shabnam meñ apne yaar se matlab

Na gul se hai ġharaz tere na hai gulzār se matlab

Rakhā chashm-e-nazar shabnam meñ apne yaar se matlab

Na samjhā ham ko tū ne yaar aisī jāñ-fishānī par

Bhalā pāveñge ai nādāñ kisī hushyār se matlab

Na 'chandā' ko tama.a jannat kī ne ḳhauf-e-jahannam hai

Rahe hai do-jahāñ meñ haidar-e-karrār se matlab

Ba-juz haq ke nahīñ hai ġhair se hargiz tavaqqo kuchh

Magar duniyā ke logoñ meñ mujhe hai pyaar se matlab