Andsemon

አንቺም እኔን ማለት ላትተዪ ደርሶ

የኔም አንቺን ማለት ላይቀር ተመልሶ

እንደው በከንቱ ሐሳብ ባልረባ ኩነኔ

ከ'ምነት አጎደልን ዘንድሮ አንቺና'ኔ

ልታይ ልታይ ብለሽ፣ ልታይ ልታይ ብዬ

አደባባይ አድረሽ፣ አደባባይ ውዬ

አንቺ ያለኔ ቀኑን፣ እኔ ያላንቺ ሌቱን

ለምደነው ነበረ፣ ወጥቶ መሰንበቱን

አንቺ እና እኔ ኖርን አንድ ሰሞን

አሞን አሞን

ክፉ ሐሳብ ቀድሞን

ዳንን ይቅር ተባብለን

ዕጣችን አንድ ናት ብለን ብለን ብለን

ይምራል አይቀጣም ፍቅር በክፉ ቀን

ቢጎመዝዝ ተውነው የሞከርነው ሰርቀን

ወድቀን ሳንሰበር ልቦናችን ነቃ

አይለመደንም አማትበናል በቃ

አንቺ እና እኔ ኖርን አንድ ሰሞን

አሞን አሞን

ክፉ ሐሳብ ቀድሞን

ዳንን ይቅር ተባብለን

ዕጣችን አንድ ናት ብለን ብለን ብለን

ቀና ቀና ሲያዩ በመካሰስ ፋንታ

ልብ ይለመልማል የታረመ ለታ

ይቅር ተባብለን ደስታ ቤቱ ገባ

ለ'ኔና ላንቺ ዓይነት ይህ ነው የሚገባ

አንቺ እና እኔ ኖርን አንድ ሰሞን

አሞን አሞን

ክፉ ሐሳብ ቀድሞን

ዳንን ይቅር ተባብለን

ዕጣችን አንድ ናት ብለን ብለን ብለን …