Dr Esel blibt stah

Dr Gschiider dä git na, u dr Esu, dä blibt stah:

Du gloubsch nid, was passiert isch, hüt Morge uf dr Strass,

sone Löu nimmt mir dr Vortritt u drückt no frech uf z'Gas.

Ha gfluechet wiene Rohrspatz u ghoornet hingerdri.

doch dä duet nüt drgliiche - das chas doch wou nid si?!

Reg' di nid uf, es bringt nüt, schenk es Lache aune Lüt,

wo sich ärgere u liide, sich sorge jede Tag.

Reg' di nid uf, es bringt nüt, schenk es Lache aune Lüt

wüu dr Gschiider dä git na, u dr Esu dä blibt stah.

He he he! Weisch scho was passiert isch, bir Nachbarin daheim,

sie het d'Chuchi gmacht u d'Böde gfägt, u när chunnt d'Tochter hei.

Sie sig no schnäu im Waud gsi, mit Bäru ihrem Hung,

itz heisi dräckig Scheiche, s'chunnt ke Entschuldigung.

Reg' di nid uf, es bringt nüt, schenk es Lache aune Lüt,

wo sich ärgere u liide, sich sorge jede Tag.

Reg' di nid uf, es bringt nüt, schenk es Lache aune Lüt

wüu dr Gschiider dä git na, u dr Esu dä blibt stah.

Mir kenne aui so Gschichte u regenis drüber uf.

Doch ändere chas niemer, drum jutzemer eine druf.

Reg' di nid uf, es bringt nüt, schenk es Lache aune Lüt,

wo sich ärgere u liide, sich sorge jede Tag.

Reg' di nid uf, es bringt nüt, schenk es Lache aune Lüt

wüu dr Gschiider dä git na, u dr Esu dä blibt stah.