Ucuzvari geyim-keçim, ucuzvari brendlər

Ucuzvari insanlar var, ucuzvari sifətlər

Ucuzvari bina, tikilib ucuzvari sementlə

Ucuzvari həyat, seminar, ucuzvari biletlər

Sən də gecələr yatma, say ulduzları diləklə

Gündüzsə heç nə olmamış kimi ucuzvari gül-əylən

Sanma ki, böyük eşqlərə gərəkdir mirvari ürəklər

Yaraşmayanda bahalı geyim də ucuzvaridir əyinə

Günəş səndən gizlənir qürubda bilərəkdən

Göylərin ətəyin boyayırsa bulud sarı bir rəngə

Deməli axşam düşür artıq, sonra gecə yaxınlaşır

Və deməli dərdlərin vaxtı çatıb hüdudlarına gəlməyin

Bəs tutduğun arzular, ucuzvarimi səncə?

Hardasa ruhun tənhadır, gedənə qal demisənsə

Sevmək yorucudur bir az eşqin uc-bucağı bitəndə

Ümidin ölür dəyərli hisslər ucuzvari gələndə

Yenə qorxulu yuxu, yenə təlaş içimdə

Birdən gerçək olarsa

Yenə ümidsiz ifadə asılıb üzümdən

Bəlkə kömək olarsan

Özümü tapmağa, günəşə çatmağa

Bakıdan qaçmağa, yolu qısaltmağa

Birgə qataraq həyatıma maraq

Uca dağlara cığırlar açaraq

Bu şəhər məni təkliyə alışdırdı, mənəvi ağrılara alışdırdı

Ən bəsit halıyla yox, düşünərək dərinliyinə enib

Orda işığı tapmağa, fikrimi yormağa alışdırdı, yolumu qarışdırdı

Düzünü desəm, əvvəlki gümrahlığım da qalmayıb

Səhər dururam, yorğunçuluq, axşam yorğunçuluq

Ətrafımda baş verənlər qəti marağımı cəlb eləmir

Uzun müddətdir ki, fırladıram insanlıq borcumu

Hara kimi gedəcək bu yaşam, hara kimi gedəcək yol?

Güzgüdə bir kəs var, çoxdan bezmiş həyatdan

O qədər gərgin deyiləm əslində, gülümsəyirəm az-çox

Daha kədərli gəlmir danışmaq keçmiş həyatdan

Çox yordum özümü fərqli münasibətlərdə

Fərli duran sifətlərlə fərqli cür ünsiyyətlərdə

Tozlanıb hamısı rəflərdə, soxum dövrün vədlərinə

Adam yaşamaq istəmir baxanda yaşam şərtlərinə

Yenə qorxulu yuxu, yenə təlaş içimdə

Birdən gerçək olarsa

Yenə ümidsiz ifadə asılıb üzümdən

Bəlkə kömək olarsan

Özümü tapmağa, günəşə çatmağa

Bakıdan qaçmağa, yolu qısaltmağa

Birgə qataraq həyatıma maraq

Uca dağlara cığırlar açaraq