لطيفة حفيدة مكتوم

كل عام وكل عام وكل عام

يا غلى في بنت مكتوم الوحيد

في سموك ما تحتك الا الغمام

وانتي حبٍ يفرق ودايم بعيد

انتي اسمك بس للشاعر كلام

وكل حرفٍ منه ديوان وقصيد

يا لطيفه ‏يا عسى عمرك سلام

يا سمية شيخة العز المجيد

——————-

يا سمية أم مكتوم الهمام

انولدتي وانولد عمرٍ جديد

كل شمعه يوم عيدك ما تلام

ودها تنور ضيا.. عيدك سعيد

انتي مثل دبي للعالم مقام

يا سموٍ من وريد إلى وريد

خذتي من الشيخة روضة الاحترام

وطيب مكتوم الكرم جدك أكيد

———————

عين روضه وقلب روضة ما ينام

ينبض بصدق الغلا ولاجلك يزيد

ضحكتك لو هي توزع ع الانام

كان شفنا كل مخلوقٍ سعيد

وقفتك فيها شموخٍ واحتشام

يا لطيفة ويا عسى عمرك مديد

خلي عينك فوق دايم للأمام

ع نهج مكتوم والراي السديد