Schnäu wie dr Wind (2025)

Villech geit’s Dir mängisch o e so…

bisch are Fuer, z’Bsuech oder irgendwo…

wirsch ds’Gfüeu nid los

Du ghörsch da nid derzue.

Für di si das die fautsche Lüt

u das, wo si rede, intressiert di nüt

u Du wetsch, hätsch dini Rueh

Nimm d’Schlüssle u schtig i ds Outo i…

u de tuesch chli gueti Musig dri,

lasch aus hinger dir la si…

schnäu wie dr Wind…

Nimm d’Schlüssle u Schtig i ds Outo i

la dini Sorge la Sorge si

fahrsch dür d’Nacht u d’Gägend flügt verbi…

Uoooh… schnäu wi dr Wind!

Villech hocksch du mängisch ganz allei,

muuseinsam bi dir dahei,

u derbi wetsch ga tanze… die ganzi Nacht.

das Warte macht Di ganz konfus,

ständig luegsch zum Fäischter us

säg, gsehsch Du nid di Stärnepracht?

Nimm d’Schlüssle u schtig i ds Outo i

u de tuesch chli gueti Musigdri,

lasch aus hinger dir la si…

…uoooh…schnäu wie dr Wind

Nimm d’Schlüssle u stig i ds Outo i

la dini Sorge la Sorge si

farsch dür d’Nacht u d’Gägend flügt verbi

Uoooh… schnäu wi dr Wind!