Mənimsən

Nə vaxtdır görmürəm səni,

Gözlərim yollarındadır.

Bəxtəvər o aşiqdir ki,

Yarının qollarındadır.

                 

Dadından bu sevgimizin doymaram,

Sənsiz ürək döyüntüsün duymaram.

Sən Allahın möcüzəsi payıma düşən hədiyyəsi,

Kölgə düşər sevgimizə qoymaram.

Gözümdən yaş süzülməsin yanaqlara,

Əlimdən tut apar məni uzaqlara.

Sən ki, mənim ruhumsan, cismimsən tənimsən.

Səni özgəyə vermərəm mənimsən.

Yanımda olmayanda sən,

Anla ki, çox çətindəyəm.

Neynirəm özgə bir yarı,

Mən sənin həsrətindəyəm