Braw Sailin' On the Sea

There cam a letter yestreen

The ship maun sail the morn

"Alas," cried the bonnie lass

"That ever I was born,"

And it's braw sailin on the sea

When wind and weather's fair

It's better tae be in my love's arms

O gin that I were there

He's cam untae her faither's hoose

At twelve o'clock at noon

The lassie being proud-herted

She wouldna let him in

And it's braw sailin on the sea

When wind and weather's fair

It's better tae be in my love's arms

O gin that I were there

He's taen a ring from his pocket

It cost him guineas three

Sayin, "Tak ye that, my bonnie lass

And aye think weel o me,"

And she's taen a ring from her pocket

It cost her shillings nine

Sayin, "Tak ye that, my bonnie lad

For I hae changed my mind,"

And it's braw sailin on the sea

When wind and weather's fair

It's better tae be in my love's arms

O gin that I were there

And it's braw sailin on the sea

When wind and weather's fair

It's better tae be in my love's arms

O gin that I were there