I Bin Miad

A Auto foat untn vorbei

I hea a Plottn von de Doors

I sitz vor meina Schreibmaschin

I glaub a Volkswogn woas

I kennt jetzt fuatgeh ins Kaffeehaus

Oba na, duat san de söbn Leit wia gestern

Und de sich i muagn a

I wü schlofn geh, weil i bin miad

Oba bevor i schlofn geh schreib i no a Liad

Und de Gedaunkn, se kumman

Vaschwimmen und gengan wieda fuat

I miassat jetzt eigentlich schiffn geh

Oba i sitz grod so guat

Waun i ma des jetzt aufschreibat

Wos i ma grod denk

I denk noch, wos i meiner Mutta

Heier zu Weihnochtn schenk

I sitz do und i bin miad

Und i glaub ned, dass aus dem Liad heite no wos wiad

I hob de Plottn umdraht

Und denk ma, heast, wos denen ois eifoit

I steh auf und moch es Fensta zua

Weil jetzt wiad ma scho koit

A Wind geht draußn und waht a Zeitungsstandl um

Untn geht a Bsoffana und fluacht

Der wiad scho wissen warum

I geh schlofn, weil i bin miad

Und i schlof und i dram, i dram von an Liad