制作
歌词
[Chorus]
منطقتي
دي حياتي
وفيها أجمل ذكرياتي
أكبر مدرسة متعلم فيها
الدنيا وواخد خبراتي
دي أصحابي فيها
وجيراني فيها
وحبايبي فيها
مافيه غيرها جيها تتحامى فينا
نتحامى فيها
ما احنا اللي ليها منطقتي
[Verse 1]
منطقتي هي الطالبية
أول أصحاب وحب وعيدية كنت فيها هي
أكبر غواي حمام شربت منهم أصل الغية
فوق كل سطح في الطالبية مية فوق طبلية
رويت غزار وبرك وشقلباظ عبس والرية
حمامها غطى شمس في السما في المغربية
أحلى عصير قصب يروي عروقك ساعة الظهرية
مافيه في حلاوة طعمه لو لفيت الدنيا ديا
[Verse 2]
قالوا عليها منطقة عوق وناس مؤذية
آه فيها ناس ناشفة تاكل زلط وبلطجية
وناس قلوبها بيضا وطيبة ومية مية
كل أنواع البشر تلقى منها جوه الطالبية
[Verse 3]
سألت نفسي في يوم سؤال
ليه كنا بنتخانق وندافع عنها ضد الغرب حتى واحنا عيال؟
من غير تفكير نسخن نغير ننزل نتخانق وندافع
ما يهمناش لو في سلاح أو حتى دم سال
بالنسبالي مش بس منطقة دي مدرسة
اتعلمنا ياما ندوس في الدنيا طلعنا هندسة
حبي ليها مالوش سبب حاسسها حتة مني
لو طلعت من منطقتي، منطقتي مش طالعة مني
[Chorus]
منطقتي
دي حياتي
وفيها أجمل ذكرياتي
أكبر مدرسة متعلم فيها
الدنيا وواخد خبراتي
دي أصحابي فيها
وجيراني فيها
وحبايبي فيها
مافيه غيرها جيها تتحامى فينا
نتحامى فيها
ما احنا اللي ليها منطقتي
[Bridge]
وـ ولا
منطقتي
خد ياض
منطقتي
[Verse 4]
سر حبي ليها ارتباطي بالمكان
ولا إني عشت فيها أحلى ذكريات زمان
أيام ام كانت الحالة مايلة والايد مش طايلة
بس الناس كانت لبعض والحب في قلوبها شايلة
[Verse 5]
عيشة أبسط م البساطة
في الحر تستمتع بشوب تمر وفي البرد تاكل بطاطا
لو حد عنده مشكلة تبقى مشكلة الكل
لو حد عنده فرحة تبقى ليلة الحتة فل
[Verse 6]
عيشنا ياما أيام محدش فينا شايل هم
مهما كانت مشكلتك كله بيساعدك عشان تتلم
كانت أحلى قاعدة ليا فوق السطح جنب الغية
ريحة الريحان مالية المكان زرعته في الأرضية
أشرب حجر كومباجو قهوة سكريبتو مش مغلية
أفكر وأسرح والسما في لحظة غروب سحرية
[Verse 7]
كل ركن في حتتي له ذكرى منسهاش
وعارف كل الناس أطفال شباب أو ع المعاش
مهما قالوا عنها أو مهما ذموا فيها كتير
هتفضل حتتي وليها في قلبي أكبر تقدير
[Chorus]
منطقتي
منطقتي
دي حياتي
وفيها أجمل ذكرياتي
أكبر مدرسة متعلم فيها
الدنيا وواخد خبراتي
دي أصحابي فيها
وجيراني فيها
وحبايبي فيها
مافيه غيرها جيها تتحامى فينا
نتحامى فيها
ما احنا اللي ليها منطقتي
[Bridge]
وـ ولا
منطقتي
خد ياض
منطقتي
[Outro]
آه منطقتي
دي حياتي
آه، منطقتي
