歌词
نزلت من البيت فى المطر ومهمهاش برد الشتا
بقاله كام يوم مختفي، مش فاهمه ليه بيعمل كده
نزلت وراحت على مكان كانوا فيه تملي بيسهروا
أول ما شافها فى سلامه بان إن مشاعره إتغيروا
وقال كلام مكانتش عارفة تجمعه
متفجأه بيه، مذهوله قاعده بتسمعه
أصل الكلام دة بيبقى دايمًا آخره بعد
فعلًا قوام ظنونها جات في محلها
ورفع عينيه وبقسوة وبرود قاللها
معلش أسف إحنا لازم ننسى بعض
سرحت وشافت ذكريات أجمل ليالي عمرها
معقوله يعني قلبه مات وحياتها ناوي يهدها
بصتله تاني بإهتمام وقالتله: "متفقين كده
أنا جايه أقول نفس الكلام مابقتش عايزه الحب ده"
هتقوله إيه ما هي مستحيل تستعطفه
معقوله يعني هتبكي علشان تكسفه
يعني هيبقى جرح وكمان يبقى ذل
مشيت قوام كانت ضعيفة، متشتتة
مشيت قوام وساعتها حست بالشتا
بس المطر قدام عيونها كان أقل
Written by: Donia Samir Ghanem, Hesham Gamaleldin
