Kasthoori Manakkunnello

കസ്തൂരി മണക്കുന്നല്ലോ കാറ്റേ

നീ വരുമ്പോൾ

കണ്മണിയേ കണ്ടുവോ നീ

കവിളിണ തഴുകിയോ നീ

വെള്ളിമണി കിലുങ്ങുന്നല്ലോ തുള്ളി തുള്ളി

നീ വരുമ്പോൾ

കള്ളിയവൾ കളി പറഞ്ഞോ

കാമുകൻ്റെ കഥ പറഞ്ഞോ

നീലാഞ്ജനപുഴയിൽ നീരാടി നിന്ന നേരം

നീ നൽകും കുളിരലയിൽ പൂമേനി പൂത്ത നേരം

നീലാഞ്ജനപുഴയിൽ നീരാടി നിന്ന നേരം

നീ നൽകും കുളിരലയിൽ പൂമേനി പൂത്ത നേരം

എൻ നെഞ്ചിൽ ചാഞ്ഞിടുമാ തളിർലത നിന്നുലഞ്ഞോ

എൻ രാഗമുദ്ര ചൂടും,

ചെഞ്ചുണ്ട് വിതുമ്പി നിന്നോ

കസ്തൂരി മണക്കുന്നല്ലോ കാറ്റേ

നീ വരുമ്പോൾ

കണ്മണിയേ കണ്ടുവോ നീ

കവിളിണ തഴുകിയോ നീ

നല്ലോമൽ കണ്ണുകളിൽ നക്ഷത്ര പൂവിരിയും

നാണത്താൽ നനഞ്ഞ കവിൾത്താരുകളിൽ സന്ധ്യ പൂക്കും

നല്ലോമൽ കണ്ണുകളിൽ നക്ഷത്ര പൂവിരിയും

നാണത്താൽ നനഞ്ഞ കവിൾത്താരുകളിൽ സന്ധ്യ പൂക്കും

ചെന്തളിർ ചുണ്ടിണയിൽ മുന്തിരിതേൻ കിനിയും

തേൻ ചോരും വാക്കിലെൻ്റെ,

പേരു തുളുമ്പി നിൽക്കും

കസ്തൂരി മണക്കുന്നല്ലോ കാറ്റേ

നീ വരുമ്പോൾ

കണ്മണിയേ കണ്ടുവോ നീ

കവിളിണ തഴുകിയോ നീ

വെള്ളിമണി കിലുങ്ങുന്നല്ലോ തുള്ളി തുള്ളി

നീ വരുമ്പോൾ

കള്ളിയവൾ കഥ പറഞ്ഞോ

കാമുകൻ്റെ കഥ പറഞ്ഞോ