Siedlig

Muess gli gah, bi uf Bsuech da

Ha ke Gäut drbi, Entschuldigung

Lege d'Jagge aa, gseh üs 'z nächste Mau

Lah 'z Glas ufem Tisch stah

I denk a mini Siedlig us de früeche Siebzger

Mängisch weiss i nümme, wo si isch und ob es si git

I ha fasch nie Bsuech gha, woni no dert gwohnt ha

I weiss nid, wie lang, dass es her isch sit dänn

Dert bim grosse Parkplatz, wo niemer füre Platz zaut

Dert wo d'Strass e Boge macht und necher langsam abfaut

Ganz hinte am Stadtrand, z'Fuess e Stund vor Autstadt

Steit mini Siedlig, woni nüm weiss, obs si git

Es füuet sech so aa

Aus wär gar nüt passiert

Lug, i stah am Rand

U d'Stadt liit vor mir

I louf vrbi a Ville, i eire isch no Liecht aa

Luege ines Läbä, woni selber niemaus wird ha

Schriibe mir Notize, dasi nie vrgisse

I ghör dert nid hi, i loufe nume vrbi

I denk a mini Siedlig us de früeche Siebzger

Woni mängisch nüm weiss, wo si isch und ob es si git

Vilech ischs nid wichtig, zieh a mire Zigi

U stiig nöime i u amne andre Ort us

Es füuet sech so aa

Aus wär gar nüt passiert

Lug, i stah am Rand

U d'Stadt liit vor mir

Es füuet sech so aa

Aus wär gar nüt passiert

Lug, i stah am Rand

U d'Stadt liit vor mir