لسه بحنلها

كان كيفى فى ساعة الصبحية

أنزل عالقهوة اللى فى حارتى

على ريحة الفول والطعمية

أفطر واتمزج بسجارتى

أسلم على ناسى و أهلى

و أصبح على جارى و جارتى

الحلوة تشوفني وتندهني، مظبوطة ساعتها على ساعتى

أتمشى معاها ونتكلم

أضحك وأحكيلها وتحكيلى

لحد الدنيا أما تضلم

أسكت فتقول طب غنيلى

أغنى فاشوف لمعة عينها

بلاقيها تصلى وتدعيلى

أتوشوش كده بينى و بينها

وأطن كل اللي شاغلها، منا صايع أصلى فى حواريه

تضحك وتقول عرفاك شاعر

تلعب بالكلمة و تفاصيلها

تسلك فى متاهة يا واد شاطر

تحبكها و ترجع تلايمها

أنا أصلًا مشكلتى فى عينها

تاخدنى بلاد و تودينى

وبلادى اللى أنا أصلًا منها

بايعانى و بتطلع عينى

أنا اصلًا مشكلتى فى عينها

تاخدنى بلاد و تودينى

وبلادى اللى أنا أصلًا منها

بايعانى و بتطلع عينى

سيبتك يا حبيبتى و سبتينى

وأنا عاشق لسه بحنلها

محتاج تحضنى تخبينى

أنا هرجع تانى على الحارة

لريحة الفول والطعمية

أنا زى السمكة فى سنارة

أنا هرجع تانى على الحارة

لريحة الفول والطعمية

أنا زى السمكة فى سنارة

طلعت روحها بره المياه

آه آه ياه هاه هاه