ជួបដោយចៃដន្យ

យើងបានជួបគ្នា ក្នុងគ្រាចៃដន្យ

នេះពិតជាបុណ្យ នៃមន្តចិន្ដា

ស្គាល់ភក្ត្រស្គាល់ចិត្ត ស្គាល់ទាំងវាចា

ហើយផ្ដែផ្ដាំថា មេត្តាកុំបំភ្លេចខ្ញុំ

នេត្រាថតបាន តែប្រាណស្រីពៅ

ទុកជាសំណៅ ដៅជាប់អារម្មណ៍

បីបមបំពេ ថ្នមថែចិត្តមុំ

នៅលើបន្ទំ ទ្រនំនៃទ្វីបតន្ត្រី

ពេលណា ចិន្ដាកង្វល់

រៀមធ្លាប់ បានយល់ដួងភក្ត្រប្រិមប្រិយ

ញញឹមលួងលោមហឫទ័យ

ថ្នមបី ឱ្យគេងកើយលើឱរា

រាល់ពេលរាត្រីស្រមៃឃើញស្ងួន

សម្ផស្សក្លិនខ្លួនពួននៅនាសា

បក់បោកវិលវល់ដោយខ្យល់តណ្ហា

ដុតរោលចិន្ដាដោយសារតែរូបស្រីមួយ

ពេលណាចិន្ដាកង្វល់

រៀមធ្លាប់បានយល់ដួងភក្ត្រប្រិមប្រិយ

ញញឹមលួងលោមហឫទ័យ

ថ្នមបីឱ្យគេងកើយលើឱរា

រាល់ពេលរាត្រីស្រមៃឃើញស្ងួន

សម្ផស្សក្លិនខ្លួនពួននៅនាសា

បក់បោកវិលវល់ដោយខ្យល់តណ្ហា

ដុតរោលចិន្ដាដោយសារតែរូបស្រីមួយ