歌詞
[Verse 1]
لا تِحْسِبْ إنِّيْ مِنْكِسِرْ وَارْضِفْ النَّوْح
أنَا عَلَى صَدْمَاتْ الايَّامْ ضَارِيْ
اللّه خَلَقْنِيْ طَوْد فِيْ دَاخِلِهْ رُوْح
رَاسِهْ سِمَا مَا يِلْتِفِتْ لِلذِّوَارِيْ
[Verse 2]
لا تِحْسِبْ إنِّيْ مِنْكِسِرْ وَارْضِفْ النَّوْح
أنَا عَلَى صَدْمَاتْ الايَّامْ ضَارِيْ
اللّه خَلَقْنِيْ طَوْد فِيْ دَاخِلِهْ رُوْح
رَاسِهْ سِمَا مَا يِلْتِفِتْ لِلذِّوَارِيْ
[Verse 3]
تِهْتَزّ تَحْت أقْدَامِيْ الأرْض وِتْرُوْح
كَمْ هَزِّةٍ عَدَّتْ وْ لا جِبْت طَارِيْ
نَفْسِيْ مِنْ الْعِزِّهْ تِسَامَتْ عَنْ الْبَوْح
رَوَّضْتَهَا يَوْم اللِّيَالِيْ ضِوَارِيْ
بِنَيْت بَيْتٍ لِلتِّقَا نَجْمِهْ يْلُوْح
فوْق الظِّنُوْن وْ فَوْق رُوْس السِّوَارِيْ
[Verse 4]
تَغْرِيْنِيْ الدِّنْيَا عَلَى غَيْر مَصْلُوْح
لكِنَّهَا عِجْزَتْ تِغَيِّرْ مِسَارِيْ
مَادَامْ رَبِّيْ كَاتِبْ الرِّزْق فِيْ اللَّوْح
مَا هَمِّنِيْ مِنْ صَارْ بَايِعْ وْ شَارِيْ
أهَمّ حَاجِهْ عَايِشْ الْعِمِرْ بِوْضُوْح
وِمْبَيِّضٍ وَجْهِيْ بِعِزّ الطِّوَارِيْ
لانّ الْفِتَى مِنْ دُوْن الاخْلاقْ مَطْرُوْح
مِنْ حِسْبَةْ الشِّيْمَاتْ مَهْمَا يِمَارِيْ
[Verse 5]
وِانّ الْوِفَا بِالْعَهْد هُوْ خَيْر مَرْبُوْح
وِ اللَّى يِخُوْن الْعَهْد مِفْلِسْ وْ عَارِيْ
أمُوْت مَسْتُوْرٍ وْلا اعِيْش مَفْضُوْح
الطِّيْب طَبْعِيْ وِ الْكَرَامه شِعَارِيْ
وَ اللّه لَوْ أنِّيْ مِنْ الْفَقِرْ مَذْبُوْح
مَا اعِيْب فِيْ قَوْمِيْ وْ لا اعِيْب دَارِيْ
Written by: Fayez Al Saeed, ذياب بن غانم المزروعي
