Pintcha Dia

Cavala agora ê pá quem t'pode

20$ Ka tá da um cafê

Saí marele entra verde ê kel me

No te vive na gnia e és ka kre nem sabe

Tá pintcha dia kun ninharia

Tá racioana ke pá pode tchgá

Onde k'ta cmê quat cinq tá cmê tambê

Nosso senhor há d'provê, assim k'na Bíblia tá dzê

Vida tá cór, un tá ganha pok

és orçamento já dam pá tort

Manhã ê 17 um katem um testom

Ka sabe ke k'mi há d'faze

Lá na lojinha es Ka kre da fiod

td por causa duns larop

K'ti tá vive cheio d' grandeza

T'manda marca tá skcê de paga

Boce sabe oh kun deve

Un ta recebe n'ta bem salda

Un ka amdjer d'fca k'dnher d'ninguem

Tá bdi se desmola se tcham leva

Es 4 brindera pés mata enjum

Mei quart d'eçucra p'indossa chá

Hora kes cmê pes ka soluça

Deus da boce vida e saúde

Nes sacrifice un ta vive

Tá conta pirraça ke pam skcê

Que manhã cedo hora k'sol nascê

Se Ka tiver lêt pa nhes mnine bibe

tamanhe d'nha dor só Deus sabe

Un dia d'traboi oh kel parcê

Lava na selha tchufti na tina

Gorda kel dnher p'compra bolsinha

Faze sorvete vende na esquina

Justa almoço cumpri nha sina