Jehova, mo tsamaise
Ngwan'a hao ya sepelang
Ke phaila ke tsietswe
Tseleng moo ke hlahlathang.
Jehova, (bis)
Ntate, ke o tshepile. (bis)
Ntate Waka, o se fele pelo
Ha ke ntse ke kheloha;
Ho lefifi, ha se booma,
Ke timellwa ke tsela.
Jehova, (bis)
Se lese ho ntsamaisa! (bis)
Leha ke khoehla mangole,
Ke pheela, ke khasa;
Ba heso, ba ntshiile bohle,
Na nka lahlwa ke wena?
Jehova, (bis)
U ntlheke o ntse o mpepa. (bis)
Dira ke di sheba mahlong,
Ke tsheha ditsietsi;
Ha ho tshabo, ha ho dihlong,
U ho 'na, ha ke 'notshi;
Jehova, (bis)
U se khaohane le 'na. (bis)
Ha ke tshela noka e ntsho,
Ke nyahama, ke teba,
U mpalamise maqhubu,
U ntshike ka diatla;
Jehova, (bis)
U mphihlise ha hao le 'na. (bis)
