Mängisch isch i mim Chopf alles leer

Min Geist wird träg und nüt fallt mir no schwer

Chas nöd erchläre es will eifach füre

Laht sich nöd isperre, lahn mich eifach stüre

Öffne die Türe gspüre nüme

Was ich no mache und alles chunt füre

Was isch da los, bin wieder im Modus

Gaht das wieder los, verlür nöd de Fokus

Chan mich nüme stoppe, gahn ab wie en Lotus

Nüt chan das no toppe ich liebe de Modus

Liebe das Chaos, liebe die Panik

Alles so wahllos und irgendwie tragisch

Was ich da mache isch ganz sicher fraglich

Chan dir egal si solang du nöd da bisch

Es isch en tägliche Kampf

Aber ich han schlussendlich erkannt

Es het kein Sinn de Widerstand

Gäge die Stimm bricht min Verstand

Finde mich jetzt demit ab

Es isch en Teil vo mir, wird niemals satt

Lahn mich devo nöd verzehre

Chan mich zwar nöd wehre, doch wende das Blatt

De Horizont er wird rot

Entfesslet de Sturm wo im innere tobt

Chum mer nöd z'nöch, ja du weisch was der droht

Fühl mich da drin wie en Kamikaze Pilot

Als wäri min Körper en Jet

Wo d'Stürig verseit und ich sitze nur det

Kei Ahnig was abgaht doch irgendwie fett

Befreie die Bestie und druck uf Reset

Denn mängisch isch i mim Chopf alles leer

Min Geist wird träg und nüt fallt mir no schwer

Es folgt mer, es will mich vo ine zerstöre

Cha dem nöd entrinne, drum tuen ichs beschwöre

Lahns eifach füre, gspüre nüme

Was abgaht wenn ich die Kontrolle verlüre

Scho wieder da, bin wieder im Modus

Ok mann isch klar, verlür nöd de Fokus

Chan mich nüme stoppe, gahn ab wie en Lotus

Nüt chan das no toppe ich liebe de Modus

Liebe das Chaos, liebe die Panik

Alles so wahllos und irgendwie tragisch

Was ich da mache isch ganz sicher fraglich

Chan dir egal si solang du nöd da bisch

Was ich au mach, schlaf oder wach

Da isch die Sach und sie verpasst

Niemals e Glegeheit mich z'diffamiere

Bringt mich in Verlegeheit tuet mich blamiere

Streng mich doch ah

D'Vernunft het mich trotzdem scho mängisch verlah

Es muess eifach si, chasch doch sicher verstah

Denah gahts der besser, chasch dich druf verlah

Gib mer es Glas trink es uf ex

Ich will nur Doge und Parties und Sex

Tuen nöd entsetzt wenn ich dir jetzt

Öppis verzelle was dich no verletzt

Was zur Höll seg ich da nur

Fühl mich als wär ich e Nebefigur

Kontrolle verscholle muess sie wieder hole

Am Bode wie Sohle, ich glühe wie Chole

Denn mängisch isch i mim Chopf alles leer

Min Geist wird träg und nüt fallt mir no schwer

Fühl mich als würi mir alles da ghöre

Ich schwöre bi allem chan damit nöd höre

Siegel zerbroche, Bestie erwacht

Besser du wählsch dini Wort mit bedacht

Ok isch ja guet, bin wieder im Modus

Will nur mini Rueh, verlür nöd de Fokus

Chan mich nüme stoppe, gahn ab wie en Lotus

Nüt chan das no toppe ich liebe de Modus

Liebe das Chaos, liebe die Panik

Alles so wahllos und irgendwie tragisch

Was ich da mache isch ganz sicher fraglich

Chan dir egal si solang du nöd da bisch