歌詞
Transgressus legem Domini,
Quam dedit Deus homini,
Homo dignus exitio,
Relegatur exilio,
Sed fons misericordie
Huic mediante filio
Finem dedit miserie.
Veritati stat obvia
Mitis misericordia,
Pro transgressore supplicans,
Immitem Deum iudicans
Si prorsus ita destruit
Creaturam, quam fecerat,
Si perituram noverat
Quam facere non debuit.
Ergo Verbum incarnari
Vult pater, ut reformari
Possit hominis status,
Et Christus humanatus,
Carnem sumens de virgine
Ab omni munda crimine,
Non fuit mori veritus,
Ut homo morti deditus
Viveret liberatus.
Written by: Anonymous
