Fırtına içinde tınçlıq adası

Qarışıq vaqtında ümüt şavlesi

Boynumnıñ borcudır, sarsılmaz qalem

İlhamım, küçümdir - menim ailem

Qocamnıñ omzuna başımı qoysam, quvetim artar

Qızlarımnı şefqatnen quçaqlasam, ğamlarım qaçar

Kel, balaçığım, bir müim şey aytayım saña

Deñişmegen fikirim - er şey aileden başlana

Ayneni nağmesinde,

Duvanıñ er sözunde,

Ana tili müitinde -

Vatan sevgisi

Qaveniñ qoqusında,

Qartlarnıñ baqışında,

Kök tamğalı bayrağında -

Vatan sevgisi

Adım-adım atıp amma tek ögüne

Yolu aldım da baqtım men künlerime,

keçkenime. Yarının bugüne

kene bağlı, bağladım dünü bu künge.

Keri yol yoq bile.

Bu demek bugün de keterim kelecegime.

Bu da tek Qırımlığımız ile,

Ve Qırım tabiatı da bağlı Ana tilime.

Bayrağım elimde kene de kök.

Tamğamı deniştirmem - temel o.

Bazılarğa da bu bekim de şok.

Hatırlatır oñu mas-mavı kök.

Bayrağımı yüregime bağladım men. Ve evelden

bu demek içimizde bir temel yüklene aileden [temel ailede]

Evlâtlarim endi ögümde öser,

mesuliet ziyade kerek, is et.

Balañ da “mama” degil de “Ana” desin [Ana]

Devamımız bu nesil.

Bu ise qorantadan,

bu yır da yazıldı qorantada.

Ana tili fikiriñde de, balam.

Sağ olsun ana-babam.

Ayneni nağmesinde,

Duvanıñ er sözunde,

Ana tili müitinde -

Vatan sevgisi

Qaveniñ qoqusında,

Qartlarnıñ baqışında,

Kök tamğalı bayrağında -

Vatan.

   

Er kün saña imkân

Er kün maña imkân

Er kün bizge imkân

Er şey qorantadan

Er kün saña imkân

Er kün maña imkân

Er kün bizge imkân

Temel qorantadan

Qaveniñ qoqusında,

Qartlarnıñ baqışında,

Kök tamğalı bayrağında -

Vatan sevgisi