Musa venit carmine, dulci modulamine: pariter cantemus, ecce virent omnia. Mane carrit alaudula, lupilulat cornicula, iubente natura Philomena queritur antiqua de iactura. Hirundo iam finsat, cignus dulce trinsat memorando fata, cuculat et cuculus per nemora vernata. Patet et in gramine iocundo rivus murmure. Locus est festivus, ventus cum temperie susurrat tempestivus.
