Thinlung Biathli

Thlizil simsiam te’n a hraan cun

Dawtmi na si hnga maw ti in keh orh ka hei zoh

A tlaa mi thinghnah thawng hmanh khi

Dawtmi na kethawng hna ruat in keh orh ka hei zoh

Merem a har zaan tlai ah

Lungkil in kaan hlam e, khoi hen na um?

Thawdawp in chuah fatin, thinlung nih an hlam e

Oh dawtmi, nang khoi na um?

Vaanruah simsiam te’n a sur cun

Hlan lio kan caanttha ruat in dawtmi kan hlam

Theih mi rimhmui kip nih, dawtmi na pum in theih mi rimhmui an ka ngaih ter

Merem a har zaan tlai ah

Lungkil in kaan hlam e, khoi hen na um?

Thawdawp in chuah fatin, thinlung nih an hlam e

Faak tuk in, Kan Ngai Sual Mu

Oh...

(Kan hlam, kan herh bik caan ah dawtmi khoi hen nang na um?)x3

Na thei kho hnga maw dawtmi?

Kei nih nang ngaih ah phuan mi Thinlung Biathli