បិណ្ឌភ្ជុំជួបជុំគ្រួសារ

I.រដូវបិណ្ឌភ្ជុំក្នុងភូមិអ៊ូអរ មនុស្សម្នាកុះករ ច្រើនពន់ពេក ពូមីងតាយាយ វេចអន្សមចេក មានទាំងនំនែកជួបជុំគ្រួសារ

II.ព្រឹកធ្វើចង្ហាន់ប្រគេនព្រះរស់ រួចយើងក៏ហួស ចូលវត្តវ៉ា ប្រគេនព្រះសង្ឃ នឹកដល់ដូនតា ទាំងញាតកា ប្រាំពីរសន្ដាន

R.ធ្វើបុណ្យរួចរាល់ ជ្រះថ្លាចិត្តកាយ ញញឹមស្រស់ស្រាយ គ្រប់ៗប្រាណ ព្រះរស់ពុកម៉ែ ថែកូនទាំងប៉ុន្មាន រស់នៅសុខសាន្ត ថ្កុំថ្កើងបានខ្ពង់ខ្ពស់

III.ស្រុកស្រែចម្ការ មិនថាខែភ្ជុំ សំឡេងសត្វយំ សែនពីរោះ តាមទីជនបទ ក្បែរវត្តឮឃ្មោះ អាចារ្យដើរគោះ ដាស់បោះបាយបិណ្ឌ