Rum & Rimuss

Ich chume hei nachme lange Tag und ich frag mich

Was lauft da nur, was sell de Scheiss, was mach ich falsch

Es isch en einzigi langi Plag und ich frag mich

Wiä lang cha das so witer gah ich wünschti mängisch d'Zit blibt stah

Ich bin am sause richtig Abgrund

Bruch e Pause wills schuscht schlimm chunt

Alles dreht sich, mir wird schlächt

Doch ich han Hoffnig ide Ichaufstäsche ja det drinne hets zwoi Fläsche

Gfüllt mit Glück und Cholesüüri

Ja wenn nüt meh so isch wiäs si muss

Gönn der echli Rum mit Rimuss

Ja denn isch bald wieder als wiäs si muss

Nachme Schlückli Rum mit Rimuss

Vergiss de Jackie Cola, Gin Tonic chasch au stah lah

Wisswii, Rotwii, oder Bier nüt devo hilft mir

Nei das alles wieder chunt wiäs si muess

Bruch ich nume Rum und Rimuss

Am morge früeh vorme lange Tag und ich frag mich

Ob mis Zaubertränkli würklich witerhilft

So langsam fühlt sich's ah wiänä Plag und ich frag mich

Ob Alkohohl und Zucker würklich d'Lösig sind

Min Chopf de isch am sause, d'Tablette isch am brause

Doch öb's am Ändi witerhilft das weiss mer nid

Es schwindet d'Hoffnig ide Ichaufstäsche

Immer no di gliche Fläsche

Gfüllt mit leerä Verspräche

Es isch scho länger nüme so wiäs si muss

Lits ächt am Rum mit Rimuss

Wirds ächt bald wieder so wiä's si muss

Ohni Gläsli Rum und Rimuss

Vitamin und Rüeblisaft gäbed vilecht scho meh Chraft

Aber mis Gebräu schmöckt eifach fabelhaft

Darum blib ich bi Rum und Rimuss

S'chunt scho wieder alls wiäs si muss

Es isch scho länger nüme so wiäs si muss

Lits ächt am Rum mit Rimuss

Würds ächt bald wieder so wiäs si muss

Ohni Gläsli Rum und Rimuss

Vitamin und Rüeblisaft gäbed vilecht scho meh Chraft

Aber mis Gebräu schmöckt eifach fabelhaft

Darum blib ich bi Rum und Rimuss

S'chunt scho wieder alls wiäs si muss

Ja ich trinke lieber Rum und Rimuss

S'chunt scho wieder alls wiäs si muss

Chum mir trinked no en Rum mit Rimuss

Dem Tränkli blibi treu bis zum Schluss