ជីវិតជូនជាតិធាតុជូនភរិយា

១. បងសូមលាអូន និងកូននិមល អង្អែលថើបថ្ពាល់

មុនទៅសមរភូមិ មើលផ្ទះថែកូន ស្ងួនកុំបារម្ភ គិតជាតិជាធំ

មុំកុំសោកា។

២. បងជាទាហាន មានចិត្តស្ម័គ្រស្មោះ ដើម្បីជាតិរាស្ត្រ

ពុំស្តាយសង្ខារ កម្ចាត់ចោរខ្មាំង ឈ្លានពានសីមា ការពាររដ្ឋា

មិនរានឹងក្ស័យ។

បន្ទរ (R): ជីវិតជូនជាតិ ធាតុជូនភរិយា ទឹកចិត្តយោធា

ការពារទឹកដី ឆន្ទៈមុះមុត ប្រយុទ្ធជាញជ័យ កាំភ្លើងនៅដៃ

វាយខ្មាំងពាធា។

៣. ឃ្លាតមួយគ្រាសិន មាសឆ្អិនបងអើយ ជាតិត្រូវការហើយ

បងលាពុំងា ទៅសមរភូមិមុខ តាមបទបញ្ជារ

តតាំងពួកមារ ចូលជ្រែករំខាន៕

បន្ទរ (R) -> វគ្គ ៣ (ច្រៀងឡើងវិញ រហូតដល់ចប់)