យើងរស់ដោយយើង គេរស់ដោយគេ

I.ដឹងខ្លួនឯងថាខ្លួនជាអ្នកណាឋានៈជាអ្វី? ត្រឹមជាផ្កាស្មៅដុះលើដីគ្មានតម្លៃក្នុងភ្នែកគេ គេដើរជាន់ទៅជាន់មក មិនមែនជាផ្កាកុលាបក្នុងថូទេ ដែលមានគេ ស្រឡាញ់ថ្នាក់ថ្នមរក្សា

II.រៀនឆ្លុះកញ្ចក់ខ្លួនជាគីង្គក់មិនមែនជាហង្ស

តឿនខ្លួនឯងឱ្យឆ្លាតកុំល្ងង់លង់ជឿគេសន្យា

អង្កាមនៅដោយអង្កាម កុំគឃ្លើនទៅឈរខុសក្រឡា ព្រោះយើងត្រឹមជាផ្កាស្មៅធម្មតាកុំស្រវាក្បែរគេ

*. បើមិនចង់ឱ្យខ្លួនឈឺចាប់ ត្រូវប្រញាប់ដកបេះដូងចេញពីស្នេហ៍ កុំនៅតោងទាមគេ

R1.យើងរស់ដោយយើងគេរស់ដោយគេ កុំយកភ្លើងស្នេហ៍មកដុតខ្លួនឯង បេះដូងគេវាត្រូវពុម្ពជាមួយអ្នកផ្សេង គ្មានកន្លែងស័ក្តិសមឱ្យយើងឡើយ

R2.យើងរស់ដោយយើងគេរស់ដោយគេ ដល់ពេលត្រូវផ្ទេរតំណែងឱ្យគេហើយ ទ្រាំឈឺបន្តិច តែវាឆាប់ធូរស្បើយ ប្រសើរជាងបញ្ជ្រៀតតំណែងគេហើយ