Moʻomoʻoga e o loʻu agāga mo ʻoe loʻu au

Manogi sasala mai mauga e puaina i oʻu māfaufau

Neʻi taunuʻu le ʻupu ʻua faʻafua ʻae lē fati

Fai ʻoe ma oʻu sei (si ou lālelei)

Laʻu fuga o lāʻau (sautia i le sau)

ʻUa naʻo ʻoe lava (laʻu pele Sāmoa)

Seʻi ʻe maliu mai

Sau ʻoe, si oʻu sei leva

Na i tumutumu o atu mauga

ʻUa sulugia ou fōliga i ʻave o le māsina

Tupu aʻe ʻoe i ala o le vavau

Ta te moemiti i le sasala o lou manogi

E ʻoʻona ʻo nai ou lau lāʻau,

ʻA ʻo lou lālelei ʻo le sini o le tuʻinanau

E olaola mai ʻoe i aso ʻua leva

ʻAe tūmau pea i le loto e

Si oʻu sei leva

ʻO ʻoe si oʻu sei leva

Le vai fofō i nai oʻu tigā

ʻUa mapu mai mafatiaga i le tepa tasi i ou fofoga

Tautua ʻoe i le vasa loloa

ʻO ʻoe ʻo le fua e matala i le alofa

E ʻoʻona ʻo nai ou lau lāʻau,

ʻA ʻo lou lālelei ʻo le sini o le tuʻinanau

E olaola mai ʻoe i aso ʻua leva

ʻAe tūmau pea i le loto e

Si oʻu sei leva

Fai ʻoe ma oʻu sei (si ou lālelei)

Laʻu fuga o lāʻau (sautia i le sau)

ʻUa naʻo ʻoe lava (laʻu pele Sāmoa)

Seʻi ʻe maliu mai